Avdelingsleiar 8-10 ved Dingemoen skule, 100 % vikariat

Er du ein inkluderande, målretta og synleg leiar med engasjement for elevane si læring og utvikling? Avdelingsleiaren vår på 8-10 skal ut i permisjon og vi søkjer hennar erstattar som kan vere ein sentral bidragsytar i skulekvardagen og aktivt støtte vårt verdigrunnlag: Likskap – Kunnskap – Venskap.

Som avdelingsleiar for trinn 8-10 vil du jobbe tett saman med rektor og assisterande rektor i eit dedikert leiarteam, med 50 % administrativ ressurs og 50 % undervisning. Du får ei viktig rolle i den praktiske drifta og vil vere med å vidareutvikle skulen sitt læringsmiljø gjennom gode relasjonar med elevar, tilsette og føresette.

Dingemoen skule stod ferdig hausten 2021 og byr på topp moderne fasilitetar, flotte spesialrom og store uteområde for elevane. Vi søkjer deg som evnar å bygge gode samarbeidsrelasjonar, skape entusiasme, og som har ein tydeleg leiarstil som motiverer til felles innsats.

Arbeidsoppgåver

• Leie og utvikle skulen i tråd med lover, forskrifter og styringsdokument, med vekt på elevane sitt læringsmiljø og læringsutbyte.
• Bidra til pedagogisk utvikling, planlegging og ressursforvaltning, og følgje opp resultat frå kartleggingar og nasjonale prøver.
• Ha personalansvar med tillitsbasert leiing som fremjar samarbeid og målretta innsats, og styrkje profesjonsfellesskapet og teamkjensla blant kollegaene.
  
  

Kvalifikasjonar

• Relevant pedagogisk utdanning for grunnskulen, helst ungdomssteget
• Sterke munnlege og skriftlege norskkunnskapar, minimum B2
• Godkjend politi- og tuberkulinattest før tiltreding
• Personleg eignaheit vil bli vektlagt

Ynskjeleg:

• Erfaring frå pedagogisk arbeid i grunnskulen, og gjerne leiarerfaring frå skule
• Kompetanse innan læringsfellesskap og skuleutvikling, samt kjennskap til lover og forskrifter for skulen
• Innsikt i skuleforsking som grunnlag for eigen praksis.
• God digital kompetanse.
  
  

Personlege eigenskapar

Vi ser etter ein trygg og engasjert leiar med høg arbeidskapasitet, som trivst i ein hektisk kvardag. Du er initiativrik, finn løysingar og følgjer opp tiltak, samstundes som du støttar og motiverer medarbeidarar og elevar. Du er positiv, raus, og evnar å prioritere for å møte både skulen og elevane sine behov.

Vi tilbyr

• Løn etter utdanning og erfaring
• Godt arbeidsmiljø
• Erfarne støttespelarar i kollegiet
• Gode pensjons- og forsikringsordningar

Søkjarlister med namn, kjønn, alder og stilling er i utgangspunktet offentlege. Søkjarar vil bli kontakta om det ikkje finst grunnlag for unntak, og få høve til å trekkje søknaden. Under elles like føresetnader vil menn bli føretrekte.

Søknadsfrist:

24.11.2024

Tiltreding:

Etter avtale

Arbeidsstad:

Dale i Sunnfjord

Kontaktpersonar:

Eli-Terese Sande

tlf: +47 57738161

mob: +47 41161021

‍

Fjaler kommune Dingemoen skule‍

Dingemoen skule er ein 1-10 skule som ligg i Dale i Sogn og Fjordane.

Likskap, kunnskap, venskap er visjonen til Dingemoen skule.
Dingemoen ynskjer å vere ein skule med rom for alle og blikk for den einskilde. I den praktiske skulekvardagen legg vi stor vekt på fellesskap, men og at den einskilde skal få oppleve meistring og utfordringar gjennom mangfald i inntrykk og uttrykk, medverknad og medansvar gjennom dialog.

Ved Dingemoen skule arbeider vi for eit læringsmiljø som sikrar:
- tilpassa opplæring for alle, med god balanse mellom utfordring og meistring
- høg fagleg kvalitet, som grunnlag for personleg vekst og vidare skulegong

Vi legg til rette for utvikling av:
- tryggleik, trivsel og medverknad
- lærelyst, kreativitet og kritisk sans
- samarbeid, personleg ansvar og god takt og tone
- godt samarbeid med heimen

Dingemoen skule har:
- nulltoleranse for mobbing, vald og rasisme