Vil du vere med å byggje nye Haram kommune?

Vi søkjer etter avdelingsleiar til 100% stilling ved legetenestene i Haram kommune fordelt mellom Brattvåg, Vatne og Haramsøy legekontor. Avdelingsleiar inngår i tenesteleiar sin stab og i kommunalområdet for livsløp. Vi søkjer etter deg som kan fremje god tenesteutvikling, og ha ein framoverlent leiarstil.

I kommunalområdet for livsløp er fleire av kommunen sine tenester samla. Alle tenestene er viktige bidragsytarar til å støtte opp om livsløpet til kommunen sine innbyggjarar. Livsløp består av  koordinering og tildeling , psykisk helse og rus, helsestasjon, pedagogisk fagsenter, ressursbase, integrering, barnevern, NAV, ergoterapi, fysioterapi og legetenester.

I Haram kommune er gode, heilskapelege tenester i fokus. Vi legg vekt på å arbeide på tvers av tenestene, for å saman skape robuste tilbod for innbyggjarar og næringsliv.

Arbeidsoppgåver

Stillinga er knytt til å leie ordinær verksemd ved Brattvåg, Vatne og Haramsøy legekontor i nært samarbeid, med tenesteleiar. Avdelingsleiar vil ha b.l.a følgjande oppgåver:

• Fagleg oppfølging, samt personal og økonomiansvar
• Turnus, ferieavvikling og innleige ved vikarbebov
• Ansvar for ajourhald og andre administrative rutinar
• Rekruttering
• Sikre at drift samsvarar med kommunen sine intensjonar og gjeldande lovverk
• Bidra i leiarteamet for utvikling på tvers av fagområda
• Fagleg rettleiing/opplæring av tilsette
• Arbeide for fagleg kvalitetssikring og utvikling
• Sikre god informasjonsflyt

Kvalifikasjonar

Kven søkjer vi:

Autorisert sjukepleier. Det er ønskjeleg med leiarerfaring og/eller utdanning, men dette er ikkje eit krav. Kommunen kan sette krav om kompetanseheving innan leiarutvikling med tilsetjing i stillinga.

• Erfaring frå arbeid ved legekontor
• God kjennskap til saksbehandling og kunnskap om aktuelt lovverk
• Ha ein høg fagleg standard
  
• Reflektert og god på relasjonsarbeid
  
• Du har stor arbeidskapasitet og bør trivast i ein hektisk kvardag
  
• Du bør berherske IT-verktøy på ein god måte
  
• Du har eit ønskje om å vere med å påvirke, utvikle og forbetre tenesteområdet
  

Personlege eigenskapar

• Det vert veklagt at ein er personleg eigna, som stabil og fleksibel
• Ha evne til å arbeide både sjølvstendig og i team
• Du må vere lojal, strukturert og vere ein tydeleg leiar

Vi tilbyr

• Stort utviklingspotensiale i ei spanande leiarstilling. Det vert gitt rettleiing og oppfølging for den som vert tilsett.
• Allsidige utfordringar i eit godt fagmiljø med dyktige medarbeidarar
• Fagleg utvikling etter kompetanseplan
• Løn i samsvar med gjeldande avtaleverk
• Pensjonsordning gjennom KLP og gode forsikringsordningar
• IA-bedrift

‍

Kontaktinformasjon

Frode Bøe Hatlelid

Kommunalsjef

Telefon:92243788

E-post:frode.boe.hatlelid@haram.kommune

‍

Søknadsfrist: 09.02.2025

‍

Etter vedtak i Stortinget 14. juni 2022 er Haram frå 1. januar 2024 eigen kommune, med dei grensene som var før samanslåinga med Ålesund

Kommunen har omlag 9300 innbyggarar. Haram er ein av fylket sine fremste industrikommunar, og med stolte skipsbyggartradisjonar er Haram ein viktig del av den maritime klynga på Sunnmøre. Heile 47 prosent av arbeidsplassane i kommunen er i industrien. I tillegg har Haram viktige framtidsretta arbeidsplassar i den marine næringsmiddelindustrien. Fiskeri er også ei viktig næring i kommunen.

Haram har eit rikt idretts- og kulturliv, med stor aktivitet innan kor, korps, teater og ungdomsarbeid. Fjord, fjell og nydeleg natur rett utanfor stovedøra gir også svært mange moglegheiter for ulike typar friluftsliv overalt i kommunen.

Haram kommune ligg lett tilgjengeleg på Sunnmøre, 40 minutts køyretur frå Ålesund sentrum, 35 minutt frå Moa-området og 45 minutt frå Ålesund Lufthavn, Vigra. Kommunesenteret finn du i Brattvåg, men kommunen har og fleire andre tettstadar; Vatne/Tennfjord, Søvik og Austnes.

‍