Heimetenesta held til i Svehogen, omtrent 500 meter frå sentrum i Dale. Vi yt tenester til heimebuande i heile Fjaler kommune, inkludert brukarar i omsorgsbustader. I tenesta er det kring 21 årsverk i turnus fordelt på 24 tilsette. Målet til heimetenesta er at innbyggjarane skal bu heime så lenge som mogleg med tilstrekkeleg hjelp, i tillegg til å oppleve meistring og trivsel i eigen heim. Vi har tett samarbeid med fysio- og ergoterapitenesta, legetenesta og rehabiliteringsavdelinga ved sjukeheimen. Personalgruppa er opptekne av å ha brukar i fokus, av godt samarbeid og ein vidareutvikling av tenesta.