Vil du jobba med oss i natt-tenesta?

Me søkjer helsefagarbeidarar til to faste stillingar i natt- tenesta. Stillingane har oppgåver i heimetenesta, ved heildøgns omsorg og i omsorgsbustad.

• 75 % stilling ledig frå 02.01.2025
• 70 % stilling ledig frå 02.12.2024

Natt-tenesta gjev tenester til pasientar og brukarar i heildøgnsomsorg, i heimetenesta og til menneske med utviklingshemming. Gruppa jobbar fleksibelt og samarbeider på tvers av dei ulike gruppene. Natt-tenesta er organisert i Tenester til heimebuande.

Arbeidsoppgåver

Omsorgsoppgåver som stell og pleie i heimetenesta, ved heildøgns omsorg og i omsorgsbustad

Kvalifikasjonar

• Norsk autorisasjon som helsefagarbeidar
• Du må ha sertfikat klasse B
• Du må ha gode norskkunnskapar, både skriftleg og munnleg, tilsvarande B2
• Du må kunna arbeida sjølvstendig og i team
• I natt-tenesta er me avhengig av eit godt tverrfagleg samarbeid mellom tenester og kollegaer og me søkjer difor etter ein fleksibel, engasjert og nytenkjande helsefagarbeidar.

Alle som yter tenester etter Helse og omsorgslova (gjeld ikkje matvertar) skal levera politiattest. Den som vert tilsett må derfor legga fram politiattest av ny dato, denne skal ikkje leggast ved søknaden. Ber om at du legg inn vitnemål og attestar saman med søknaden i Webcruiter.

Personlege eigenskapar

Me søkjer deg som:

• Tek ansvar og likar ei utfordring
• Har lyst til å utvikla deg fagleg
• Du likar ein variert arbeidskvardag med spanande utfordringar
• Er fleksibel og løysingsorientert
• Møter andre på ein respektfull og open måte

Vi tilbyr

• Eit godt arbeidsmiljø, på ein arbeidsplass som er i utvikling
• Hjå oss får du moglegheit til fagleg utvikling
• Du får øvd opp vurderingskompetansen din og brukt kunnskapen din i samspel med pasientar i ulike livsfasar
• Løn etter gjeldande tariffavtale og lokalt lønssystem
• Gode pensjons- og forsikringsordningar

Generell informasjonDen kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn.Kvam herad ønskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta.Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette

Kontaktinformasjon

Ioana Hauge

Gruppeleiar Natt-tenesta i Kvam

Telefon:+47 481 45 217

Søknadsfrist:

17.11.2024

‍

Oppdag Kvam - framtida er her!
Med sine 8500 innbyggjarar ligg Kvam vakkert plassert i hjarta av Hardanger og ved Hardangerfjorden, berre ein times køyretur frå Bergen. Her møter du ein natur som inviterer til aktiv fritid både sommar og vinter. Kvam, heimkommunen til nobelprisvinnar Jon Fosse, byr på eit rikt kultur- og organisasjonsliv med festivalar for ein kvar smak.

Naturopplevingar og aktivitetar
Ved fjorden finn du idylliske badestrender midt i sentrum av både Norheimsund og Øystese. For deg med lidenskap for langrenn eller toppturar, tilbyr Sjusete skisenter og fjellområdet Kvamskogen fantastiske skiforhold.

Ein kommune for framtida
Kvam satsar på barn og unge og er Årets ungdomskommune i 2024. Me har to vidaregåande skular, og ein ny, moderne vidaregåande skule er under bygging i sentrum av  regionsenteret vårt Norheimsund.

Eit variert næringsliv
Næringslivet i Kvam er mangfaldig og inkluderer m.a. handel- og reiselivsnæring, lokal matproduksjon, jordbruk og industri. Dette gir mange moglegheiter for både jobb og fritid.

Opplev det beste av natur, kultur og samfunn i Kvam - i hjarta av Hardanger! Les meir

‍