Dei kommande åra har Vang kommune store og spennande prosjekt innan vatn- og avløp. Kommunen har nye investeringar framfor seg samstundes med eit auka fokus på fornying og vedlikehald av eksisterande infrastruktur, og søkjer derfor etter ein ingeniør ved vatn og avløp.
‍

Vi tilbyr:

• Løn etter avtale
• Svært interessante og utfordrande arbeidsoppgåver i ei verksemd med eit viktig samfunnsoppdrag
• Tverrfagleg og profesjonelt miljø med hyggjelege kollegaer
• Fleksibel arbeidstid
• Gode forsikrings- og pensjonsordningar
• I Vang er det godt å bu! (sjå mange fordeler nedst i annonsa)

Arbeidsoppgåver

• Prosjektoppfølging for investeringsprosjekt på kommunale vatn- og avløpsanlegg
• Oppfølging av drift av kommunale vatn- og avløpsanlegg
• HMS og internkontroll på kommunale vatn- og avløpsanlegg
• Saksbehandling
• Beredskap for vatn- og avløpsanlegg
• Andre oppgåver kan bli lagt til stillinga

Kvalifikasjonar

• Relevant utdanning på master- eller bachelornivå, gjerne innan vatn- og miljøteknikk eller bygg og anlegg.
  • Annan formal- eller realkompetanse kan vurderast
• Erfaring innan fagfeltet er å føretrekke, gjerne erfaring frå kommunal forvaltning
  
• Kjennskap til SHA og risikostyring
• God og relevante kunnskap innan IT, kommunen nyttar program som Komtek og Gemini VA
• Gode norskkunnskapar munnleg og skriftleg. Vang kommune har nynorsk som skriftspråk.
• Søkjar må ha førarkort klasse B og disponere bil
• Personleg eignaheit vil bli vektlagt
  

Personlege eigenskapar

• Du er fagleg engasjert, strukturert og sjølvstendig
• Du tek ansvar for framdrift og kvalitet i leveransane dine
• Gode samarbeids- og kommunikasjonsevner og ser nytten av å dele kompetanse på tvers av fagfelt
• Drivande og løysingsorientert med god gjennomføringsevne.
  

Vang kommune som arbeidsgjevar:

• Ca 290 tilsette fordelt på kommunalområda: Helse og omsorg, Utdanning og kultur, Landbruk og teknisk, og Stab
• Den viktigaste ressursen me har er våre tilsette. I Vang kommune gjer me det me kan for at tilsette skal ha det bra på arbeid!
• Vang kommune har nynorsk som skriftspråk

Å bu i Vang kommune:

• Ei storstilt satsing på barn og unge!
• Ein kombinert barne - og ungdomsskule, med ca 200 elever. Nyrenovert med heilt ny fleirbrukshall med klatrevegg, basseng etc. Tolærarsystem, slik at det nesten alltid er to lærarar tilstades i klasserommet. Skulen nyttar Vang sin flotte natur mykje, både ved uteskule, faget FRI-NAT (friluftsliv og natur), og spanande utflukter. I Vang er SFO gratis for alle barn!
• Vang kommune har to barnehagar, Høre og Fredheim, begge har småbarns og storbarnsavdeling. I Vang er det løpande barnehageopptak (start når det passar dykk!) og frå august 2024 er månadsprisen per barn 1500 kr
• Helse og omsorgstenester av god kvalitet
• Vang kommune har personalbustadar til leige, med butid opptil 3 år
• Byggeklare tomter fleire stadar i kommunen, alle med fantastisk utsikt!
• I Vang finn du 2 solide kontorfellesskap, gjer som fleire andre og ta med deg arbeidet til Vang!
• Både i Vang og resten av Valdres finn du eit yrande kulturliv, der tradisjon står i høgsete,  med blant anna tradisjonsmat, tradisjonsmusikk, tradisjonshandtverk og aktiv stølsdrift. Vang kommune har også ein god kulturskule med stort utval av tradisjonelle og moderne aktivitetar
• I Vang står lag, foreiningar og idrett sterkt, her finn du aktivitetar for einkvar smak!
• Vang har ein storarta natur som innbyr til friluftsliv sommar som vinter, er du glad i turar, ski, jakt og fiske så er dette staden for deg!  Vang blir sagt å ha "vestlandsfjell med austlandsklima", og er ei bygd med landbruk, grundarar, turisme og næringsliv i eit levande og inkluderande bygdesamfunn. I Vang finn du også store delar av Jotunheimen og ikkje minst festivalen Vinjerock
• I Vang har dei fleste kort avstand mellom arbeid, barnehage og skule. Her kan du leve eit så roleg eller så aktivt liv som du sjølv ynskjer, i ei distriktskommune med positiv folketalsutvikling
• Meir info om korleis det er å bu i Vang og kva som skjer i Vang finn du her på VangiValdres.
• Meir info om arbeids - og bumarkedet Valdres finn du på VelgValdres

Vang kommune er oppteken av mangfald og oppmodar kvalifiserte kandidatar til å søke uansett alder, kjønn, funksjonsevne eller kulturell bakgrunn.

Me gjer merksam på at søkjarar kan få sitt namn gjort offentleg i søkjarlista, sjølv om det er bedt om konfidensiell behandling. Du som søkjar vil i tilfelle bli varsla på førehand om det.

‍

Kontaktinformasjon

Torstein Brekke-Dervola

Avdelingsleiar vatn og avløp

Telefon:91837898

E-post:torstein.dervola@vang.kommune.no

Ingeborg Lunde

Kommunalsjef Landbruk og teknisk

Telefon:99230305

E-post:ingeborg.lunde@vang.kommune.no

Søknadsfrist:

19.01.2025

‍